മലപ്പുറം: പൊന്നാനിയില് മോഷണ കുറ്റമാരോപിച്ച് 14 വയസുകാരന് ക്രൂരമര്ദ്ദനം. അഞ്ചംഗസംഘം കുട്ടിയെ വിവസ്ത്രനാക്കി വടികൊണ്ട് മര്ദ്ദിച്ചുവെന്നും ഇതിന്റെ ദൃശ്യങ്ങള് പകര്ത്തിയെന്നും മാതാപിതാക്കള് പരാതിപ്പെട്ടു. മര്ദ്ദനത്തെക്കുറിച്ച് പരാതിപ്പെടുകയോ പുറത്ത് പറയുകയോ ചെയ്താല് ദൃശ്യങ്ങള് സമൂഹമാധ്യമങ്ങളില് പ്രചരിപ്പിക്കുമെന്ന് ഭീഷണിപ്പെടുത്തിയെന്നും മാതാപിതാക്കള് പറഞ്ഞു. ബുധനാഴ്ചയാണ് സംഭവം.
മര്ദ്ദനമേറ്റ കുട്ടി ഇപ്പോള് പൊന്നാനി താലൂക്ക് ആശുപത്രിയില് ചികിത്സയിലാണ്. പോലീസ് അന്വേഷണം ആരംഭിച്ചു.