മാക്‌ഡ്വൽസ് കുപ്പിവെള്ളം സംസ്ഥാനത്ത് നിരോധിച്ചു. കുപ്പി വെള്ളത്തിൽ അളവിലും കൂടുതൽ സില്‍വറിന്റെ അംശം കണ്ടെത്തിയതിനെ തുടര്‍ന്നാണ് ഭക്ഷ്യ സുരക്ഷ വകുപ്പിന്റെ നടപടി. ഭക്ഷ്യ സുരക്ഷ വകുപ്പിന്റെ ഔദ്യോഗിക ഫേസ്ബുക്കിന്റെ ഔദ്യോഗിക പേജായ ഫുഡ് സെഫ്റ്റി കേരള വഴിയാണ് ഇക്കാര്യം പുറത്തുവിട്ടത്.
S&S Food Industries, Sy.No 1225, Mattathurkunnu P.O., Kodakara, Trissur (State Licence No: 11315008000653) ഉദ്പാദിപ്പിക്കുന്ന McDowell’s No.1 Packaged Drinking Water ഉൽപാദിപ്പിക്കുന്ന വെള്ളത്തിൽ അനുവദിച്ചതിലും കൂടുതൽ സിൽവറിന്റെ സാന്നിധ്യം ഉണ്ടെന്നാണ് ആരോഗ്യ വകുപ്പിന്റെ കണ്ടെത്തൽ. ഉത്തരവിന്റെ പശ്ചാത്തലത്തിൽ സംസ്ഥാനത്ത് ഈ ബ്രാന്റിന്റെ കുപ്പിവെള്ളം സൂക്ഷിക്കാനോ വിൽപ്പന നടത്താനോ വിതരണം ചെയ്യാനോ പാടുള്ളതല്ലെന്നും ഭക്ഷ്യ സുരക്ഷാ കമ്മീഷണര്‍ ഉത്തരവിൽ വ്യക്തമാക്കുന്നു
