പാരീസ്: ഏകദേശം 50 ലക്ഷത്തോളം കാറുകള്‍ക്ക് ഇനി പാരീസ് നഗരത്തില്‍ ഓടിക്കാന്‍ സാധിക്കില്ല. കാര്യക്ഷമത കുറഞ്ഞതും പഴയതുമായ 60 ശതമാനത്തോളം വരുന്ന കാറുകളെ നിരോധിച്ച് ഉത്തരവിറങ്ങി. ഫ്രാന്‍സിലെ താപനില അനിയന്ത്രിതമായി ഉയര്‍ന്നതിന് പിന്നാലെയാണ് സുപ്രധാന തീരുമാനം. 45.1 ഡിഗ്രി സെല്‍ഷ്യസായിരുന്നു കഴിഞ്ഞദിവസം മാത്രം ഫ്രാന്‍സിലെ ഉയര്‍ന്ന താപനില.
നിരോധനം ലംഘിക്കുന്ന കാറുടമകളില്‍ നിന്നും 68 യൂറോ പിഴ ഈടാക്കും. ഏകദേശം 5340 രൂപയോളം വരും ഈ തുക. വാനുകള്‍ക്ക് 138 യൂറോയാണ് പിഴ. പാരീസിലെ പ്രധാന പാതകളിലാണ് ഈ നിയന്ത്രണം.
