മോഹന്ലാല്-പൃഥ്വിരാജ്-മുരളി ഗോപി കൂട്ടുകെട്ടിലൊരുങ്ങിയ സൂപ്പര് ഹിറ്റ് ചിത്രം ”ലൂസിഫര്” പുറത്തിറങ്ങിയതിന് ശേഷം ട്രോളന്മാര് ഏറ്റവും കൂടുതല് ഉപയോഗിക്കുന്ന ഒന്നാണ് ചിത്രത്തിലെ’പി.കെ.രാംദാസ് എന്ന വന്മരം വീണു, പകരം ആര്’ എന്നുള്ള ഡയലോഗ്. ലൂസിഫറില് ഏറെ ശ്രദ്ധിക്കപ്പെട്ട ഈ ഡയലോഗ് ഉപയോഗിച്ച് നടനും അവതാരകനുമായ രമേഷ് പിഷാരടി കഴിഞ്ഞദിവസം ഫേസ്ബുക്കിലിട്ട ഒരു പോസ്റ്റ് ഏറെ ശ്രദ്ധനേടിയിരിക്കുകയാണ്.
പുലര്ച്ചെ രണ്ടിന് തന്റെ വഴിമുടക്കിയ ഒരു മരത്തെ ‘പി.കെ.രാംദാസ്’ എന്ന് വിശേഷിപ്പിച്ചുകൊണ്ടാണ് നടന് രമേഷ് പിഷാരടി ചിത്രങ്ങള് പങ്കുവെച്ചിരിക്കുന്നത്. പുലര്ച്ചെ രണ്ട് മണിക്ക് തന്റെ വഴിമുടക്കിക്കൊണ്ട് റോഡില് വീണ മരം മാറ്റുന്നതിന് തക്കസമയത്ത് ഗതാഗതം പുനഃസ്ഥാപിക്കാന് കര്മനിരതരായെത്തിയ പൊലീസ് , ഫയര്ഫോഴ്സ് സേനാംഗങ്ങള്ക്ക് ബിഗ് സല്യൂട്ടും അദ്ദേഹം കൊടുത്തിട്ടുണ്ട്.