കോട്ടയം: കോട്ടയത്തു പ്രഖ്യാപിച്ച സ്ഥാനാർഥിയിൽനിന്നു പിന്നോട്ടില്ലെന്ന് പാർട്ടി വൈസ് ചെയർമാൻ ജോസ് കെ. മാണി പറഞ്ഞു. ജനാധിപത്യ രീതിയിലാണ് സ്ഥാനാർഥിയെ പ്രഖ്യാപിച്ചത്. സ്റ്റിയറിംഗ് കമ്മിറ്റി യോഗത്തിൽ ജോസഫിനെ നിർത്തുന്നതിന് എതിർപ്പ് ഉയർന്നിരുന്നു. പാർട്ടിയിലെ താഴെത്തട്ടിലുള്ളവരുടെയും വികാരം ഉൾക്കൊണ്ടാണ് തോമസ് ചാഴികാടനെ സ്ഥാനാർഥിയാക്കിയതെന്നും ജോസ് കെ. മാണി മാധ്യമങ്ങളോട് പറഞ്ഞു. ജോസഫ് വിഭാഗം നേതാക്കൾ യുഡിഎഫ് നേതാക്കളെ കാണുന്നതിൽ അസ്വാഭാവികത ഒന്നുമില്ലെന്നും ജോസ് കെ. മാണി കൂട്ടിച്ചേർത്തു. ഇതിനിടെ തോമസ് ചാഴികാടനോട് കോട്ടയത്ത് പ്രചാരണത്തിനിറങ്ങാന് പാർട്ടി ചെയർമാൻ കെ.എം.മാണി നിര്ദേശം നല്കുകയും ചെയ്തു
സ്ഥാനാര്ത്ഥിയെ പിന്വലിക്കില്ലെന്ന് ജോസ് കെ മാണി
By
March 13, 2019 11:39 am