തിരുവനന്തപുരം: രാജ്യസഭാ തിരഞ്ഞെടുപ്പില് എല്ഡിഎഫ് സ്ഥാനാര്ഥി ജോസ് കെ. മാണി വിജയിച്ചു. ആകെ വോട്ടു ചെയ്തത് 137 വോട്ടുകളാണ്.എല്ഡിഎഫിന് 96 വോട്ടുകള് ലഭിച്ചു. യുഡിഎഫിന് 40 വോട്ട്. 2024 വരെയാണു രാജ്യസഭാംഗത്തിന്റെ കാലാവധി.
എല്ഡിഎഫിന്റെ ഒരു വോട്ടിനെച്ചൊല്ലി തര്ക്കം. വോട്ട് പരിഗണിക്കരുതെന്ന് യുഡിഎഫ് ആവശ്യപ്പെട്ടു. വോട്ട് രേഖപ്പെടുത്തുമ്പോൾ ആര്ക്കാണോ ആദ്യ പിന്തുണ അയാളുടെ പേരിനു നേരെ ഒന്ന് എന്നു രേഖപ്പെടുത്തുകയാണു വേണ്ടത്. അത്തരത്തില് രേഖപ്പെടുത്തിയില്ലെന്നു കാണിച്ചാണു മാത്യു കുഴല്നാടനും എന്. ഷംസുദ്ദീനും ഉള്പ്പെടെയുള്ള യുഡിഎഫ് എംഎല്എമാര് പരാതി ഉയര്ത്തിയത്. തുടര്ന്ന് വോട്ട് അസാധുവായി പ്രഖ്യാപിച്ചു.