കോട്ടയം: കെവിന് കൊലകേസില് കോട്ടയം സെഷന്സ് കോടതിയില് ഇന്ന് പ്രാഥമികവാദം തുടങ്ങും. കുറ്റം ചുമത്തുന്നതിന് മുമ്പുള്ള വാദം ഇന്ന് തുടങ്ങാനാണ് കോടതിയുടെ നിര്ദ്ദേശം.
കേസിലെ 13 പ്രതികളോട് ഇന്ന് ഹാജരാകാന് നിര്ദ്ദേശിച്ചിട്ടുണ്ട്. കുറ്റപത്രത്തോടൊപ്പം സമര്പ്പിച്ച മുഴുവന് രേഖകളുടെ പകര്പ്പും പ്രതികളുടെ അഭിഭാഷകര്ക്ക് നല്കാന് കഴിഞ്ഞ ആഴ്ച കേസ് പരിഗണിച്ചപ്പോള് കോടതി നിര്ദ്ദേശിച്ചിരുന്നു.
പ്രതികളില് ഏഴ് പേര് ജാമ്യത്തിലും ആറുപേര് റിമാന്ഡിലുമാണ്. പ്രണയ വിവാഹത്തിന്റെ പേരില് ഭാര്യാ സഹോദരന്റെ നേതൃത്വത്തില് കെവിനെ തട്ടിക്കൊണ്ടുപോയി കൊലപ്പെടുത്തിയെന്നാണ് കേസ്.
കഴിഞ്ഞ മെയ് 27നാണ് കേസിനാസ്പദമായ സംഭവം നടന്നത്. ദുരഭിമാനക്കൊലകളുടെ വിചാരണ സംബന്ധിച്ച് സുപ്രീംകോടതി പുറത്തുവിട്ട മാര്ഗരേഖകള് പ്രകാരം കെവിന് കൊലക്കേസ് അതിവേഗം തീര്പ്പാക്കാന് കോടതി തീരുമാനിച്ചിരുന്നു.