കോട്ടയം: കെവിൻ വധക്കേസില് ഇന്ന് കോടതി വിധി പറയും. കോട്ടയം പ്രിൻസിപ്പല് സെഷൻസ് കോടതി രാവിലെ പതിനൊന്ന് മണിക്കാണ് വിധി പ്രസ്താവിക്കുക. കെവിന്റെ ഭാര്യ നീനുവിന്റെ അച്ഛനും സഹോദരനും അടക്കം ആകെ 14 പ്രതികളാണ് കേസിൽ ഉള്ളത്. ഈ വർഷം ഏപ്രില് 24 ന് തുടങ്ങിയ വിചാരണ മൂന്ന് മാസം കൊണ്ടാണ് പൂര്ത്തിയാക്കിയത്. കെവിന്റെ മാതാപിതാക്കളും ഭാര്യ നീനുവും വിധി കേള്ക്കാൻ കോടതിയില് എത്തില്ല.
2019 ജൂലൈ 30 നാണ് കെവിന് വധക്കേസിൽ വിചാരണ പൂർത്തിയായത്. 113 സാക്ഷികളെ വിസ്തരിച്ച കേസിൽ. 238 രേഖകളും, അന്പതിലേറെ തെളിവുകളും കോടതി പരിശോധിച്ചു.