ന്യൂഡല്ഹി: നിര്ബന്ധിത മതപരിവര്ത്തനം നടന്നുവെന്നതിനു തെളിവു ലഭിക്കാത്ത സാഹചര്യത്തില് ഹാദിയ കേസ് എന്ഐഎ അവസാനിപ്പിച്ചു. ഷെഫിന്- ഹാദിയ വിവാഹത്തില് ലൗജിഹാദ് ഇല്ലെന്നും ഇതു സംബന്ധിച്ച് ഇനി കോടതിയില് റിപ്പോര്ട്ടുകള് സമര്പ്പിക്കുന്നില്ലെന്നും എന്ഐഎ വ്യക്തമാക്കി.
ചില പ്രത്യേക ഗ്രൂപ്പുകള് വഴിയാണ് മതപരിവര്ത്തനം നടത്തുന്നതെന്ന് അന്വേഷണത്തില് കണ്ടെത്തിയെങ്കിലും ഇത് നിര്ബന്ധിതമാണെന്നതിന് തെളിവ് കണ്ടെത്താനായില്ല. ഹാദിയയുടെയും ഷെഫിന്റെയും വിവാഹം സുപ്രീംകോടതി അംഗീകരിച്ചതും കണക്കിലെടുത്താണ് എന്ഐഎ കേസ് അവസാനിപ്പിച്ചത്.