ആലപ്പുഴ: ആലപ്പുഴയിൽ വ്യത്യസ്ത സ്ഥലങ്ങളിലായി രണ്ടു യുവാക്കളെ മരിച്ച നിലയിൽ കണ്ടെത്തി. ഹരിപ്പാട് വലിയകുളങ്ങരയ്ക്ക് സമീപം റോഡരികിലെ ഓടയിലും ആലപ്പുഴ കടപ്പുറത്തുമാണ് മൃതദേഹങ്ങൾ കണ്ടെത്തിയത്.
മഹാദേവികാട് സ്വദേശി ശബരിനാഥിനെയാണ് ഓടയിൽ മരിച്ച നിലയിൽ കണ്ടെത്തിയത്. 22 വയസായിരുന്നു. രാത്രി സൈക്കിളിൽ സഞ്ചരിക്കുമ്പോൾ ഓടയിൽ വീണ് അപകടമുണ്ടായതാകാമെന്നാണ് പോലീസ് നൽകുന്ന വിശദീകരണം.
കൊല്ലം ചടയമംഗലം സ്വദേശി അനൂപ് ചന്ദ്രനെയാണ് ആലപ്പുഴ കടപ്പുറത്ത് മരിച്ച നിലയിൽ കണ്ടെത്തിയത്. ആത്മഹത്യയെന്നാണ് പ്രാഥമിക നിഗമനം. പോലീസ് അന്വേഷണം ആരംഭിച്ചു. സമീപത്ത് ഇരുന്ന ബഗിലെ വിവരങ്ങളിൽ നിന്നുമാണ് ഇയാളെ തിരിച്ചറിഞ്ഞത്.