ന്യൂഡല്ഹി: തിസ് ഹസാരി കോടതിയിലെ അഭിഭാഷക-പൊലീസ് സംഘര്ഷത്തില് സ്വമേധയാ കേസെടുത്ത് ഡല്ഹി ഹൈക്കോടതി. സംഘര്ഷത്തിന്റെ വിശദീകരണം ആവശ്യപ്പെട്ട് കേന്ദ്ര സര്ക്കാര്, ഡല്ഹി സര്ക്കാര്, അഭിഭാഷക സംഘടനകള് എന്നിവര്ക്ക് ഹൈക്കോടതി നോട്ടീസ് നല്കി.
ഡല്ഹി ചീഫ് ജസ്റ്റിസ് ഡി.എന് പട്ടേല് അധ്യക്ഷനായ ബെഞ്ചാണ് വിശദീകരണം ആവശ്യപ്പെട്ട് നോട്ടീസ് അയച്ചത്. കേസില് അടിയന്തരമായി വാദം കേള്ക്കാനും കോടതി തീരുമാനിച്ചിട്ടുണ്ട്.
തിസ് ഹസാരി കോടതി വളപ്പിലെ പാര്ക്കിംഗിനെ ചൊല്ലി ഇന്നലെ വൈകിട്ടാണ് അഭിഭാഷകരും പൊലീസും തമ്മില് ഏറ്റുമുട്ടിയത്. സംഘര്ഷത്തില് ഇരുപത് പൊലീസുകാര്ക്കും നിരവധി അഭിഭാഷകര്ക്കും പരുക്കേറ്റിരുന്നു.