ഫ്രാന്സില് നിന്ന് വാങ്ങിയ റഫാല് യുദ്ധവിമാനത്തില് ശാസ്ത്ര പൂജ നടത്തിയതിനെ വിമര്ശിച്ചവര്ക്ക് മറുപടിയുമായി കേന്ദ്ര പ്രതിരോധമന്ത്രി രാജ്നാഥ് സിങ്. ഇതാണ് നമ്മുടെ വിശ്വാസമെന്നും അതനുസരിച്ചാണ് പ്രവര്ത്തിച്ചതെന്നും രാജ്നാഥ് സിങ് പറഞ്ഞു.
ആളുകള് അവര്ക്ക് ഇഷ്ടമുള്ളത് പറയട്ടെ. എനിക്ക് ശരിയെന്ന് തോന്നിയതാണ് ചെയ്തത്. ഇനിയും അത് തുടരും. എല്ലാത്തിനും മുകളിലായി ഒരു വന്ശക്തിയുണ്ടെന്നാണ് നമ്മുടെ വിശ്വാസമെന്നും ചെറുപ്പകാലം മുതല് താന് ആ ശക്തിയില് വിശ്വസിക്കുന്നുണ്ടെന്നും രാജ്നാഥ് സിങ് പറഞ്ഞു. എല്ലാവര്ക്കും അവരുടെ മതവിശ്വാസങ്ങള് അനുസരിച്ച് പ്രാര്ത്ഥിക്കാനുള്ള അവകാശമുണ്ട്. ശാസ്ത്ര പൂജയ്ക്ക് പകരം മറ്റേതെങ്കിലും മതാചാരപ്രകാരമുള്ള ചടങ്ങുകള് നടത്തിയിരുന്നെങ്കിലും തനിക്ക് എതിര്പ്പില്ലായിരുന്നെന്നും കോണ്ഗ്രസില് തന്നെ ഈ വിഷയത്തില് ഭിന്നാഭിപ്രായങ്ങളാണ് ഉള്ളത് – രാജ്നാഥ് സിങ് പറഞ്ഞു.