ആസിഫ് അലിയെ നായകനാക്കി നവാഗതനായ ദിന്ജിത്ത് അയ്യത്താന് സംവിധാനം ചെയ്യുന്ന ചിത്രം കക്ഷി: അമ്മിണിപ്പിള്ളയിലെ രണ്ടാമത്തെ ഗാനം പുറത്തിറങ്ങി. ചന്തം തികഞ്ഞൊരു പെണ്ണേ എന്ന ഗാനം ആലപിച്ചിരിക്കുന്നത് സുധീര് പറവൂരാണ്.
പുതുമുഖതാരം അശ്വതി മനോഹരനാണ് ചിത്രത്തിലെ നായിക. ആന്റണി വര്ഗീസ് (പെപ്പെ) നായകനായ സ്വാതന്ത്ര്യം അര്ദ്ധരാത്രിയില് എന്ന ചിത്രത്തിലാണ് അശ്വതി മനോഹരന് നായികയായി അരങ്ങേറിയത്. അങ്കമാലി ഡയറീസിലും ഒരു ചെറിയ വേഷം അവതരിപ്പിച്ചിട്ടുണ്ട്.
ഹരീഷ് കണാരന്, അഹമ്മദ് സിദ്ദീഖ്, വിജയരാഘവന്, സുധീഷ്, നിര്മല് പാലാഴി, മാമുക്കോയ, ശ്രീകാന്ത് മുരളി എന്നിവരാണ് മറ്റു കഥാപാത്രങ്ങളായി എത്തുന്നത്. തിരക്കഥയും സംഭാഷണവും ഒരുക്കുന്നത് സനിലേഷ് ശിവന്. സറാ ഫിലിംസിന്റെ ബാനറില് റിജു രാജനാണ് ചിത്രം നിര്മിക്കുന്നത്. ഛായാഗ്രഹണം ബാഹുല് രമേഷ്. സംഗീത സംവിധാനം ബിജിപാല്, അരുണ് മുരളീധരന് എന്നിവര് ചേര്ന്നാണ് നിര്വഹിക്കുന്നത്.