കരൗളി (രാജസ്ഥാന്): ഒമ്പത് മാസം പ്രായമുള്ള പെണ്കുഞ്ഞിനെ ലൈംഗികമായി ഉപദ്രവിച്ചതിന് 15 വയസ്സുകാരന് പിടിയില്. രണ്ട് ദിവസം മുന്പായിരുന്നു അതിക്രമം. രാജസ്ഥാന് കരൗളി ജില്ലയിലെ ഹിന്ദൗന് ആശുപത്രിയില് ആണ് കൈക്കുഞ്ഞിനെ പ്രവേശിപ്പിച്ചത്. സ്വകാര്യ ഭാഗങ്ങളില് മുറിവേറ്റ നിലയില് എത്തിച്ച കുഞ്ഞിന് ലൈംഗികമായി ഉപദ്രവം നേരിട്ടതായി ആശുപത്രി അധികൃതര് റിപ്പോര്ട്ട് നല്കിയിരുന്നു.
കുട്ടിയുടെ വീടിന് അടുത്ത് തന്നെ താമസിക്കുന്നയാളാണ് പ്രതി. ഞായറാഴ്ച്ച കുട്ടിയെ കളിപ്പിക്കാന് എന്ന പേരില് വിളിച്ചുകൊണ്ടുപോയി ഇയാള് ഉപദ്രവിക്കുകയായിരുന്നു. വൈദ്യപരിശോധനയ്ക്ക് ശേഷം അതിക്രമം സ്ഥിരീകരിച്ചു. പ്രതി കസ്റ്റഡിയിലാണ്.