കൊച്ചി: ശബരിമല ദര്ശനത്തിനായി കൊച്ചി വിമാനത്താവളത്തിലെത്തിയ തൃപ്തി ദേശായിക്ക് എതിരെ പ്രതിഷേധ സമരം നടത്തുന്നവര്ക്കെതിരെ കേസ്. കണ്ടാലറിയാവുന്ന 250 പേര്ക്കെതിരെയാണ് പോലീസ് കേസെടുത്തിരിക്കുന്നത്. തൃപ്തി ദേശായിയുടെ സഞ്ചാര സ്വാതന്ത്ര്യം തടസപ്പെടുത്തിയതിനും സമരങ്ങള് നിരോധിച്ചിട്ടുള്ള വിമാനത്താവള മേഖലയില് പ്രതിഷേധ സമരം നടത്തിയതിനുമാണ് കേസെടുത്തത്.
അതേസമയം, തൃപ്തി ദേശായിക്കും കൂടെയുള്ളവര്ക്കുമെതിരെ നെടുമ്പാശേരി പോലീസില് പരാതി ലഭിച്ചിട്ടുണ്ട്. ആചാരങ്ങള് പാലിക്കാതെ തൃപ്തി ദേശായി എത്തിയത് മത വിശ്വാസത്തെ വെല്ലുവിളിക്കാനുള്ള ഗൂഢാലോചനയുടെ ഭാഗമായാണെന്ന് ചൂണ്ടിക്കാട്ടി യുവമോര്ച്ച സംസ്ഥാന പ്രസിഡന്റ് അഡ്വ. കെ പി പ്രകാശ് ബാബുവാണ് പരാതി നല്കിയിരിക്കുന്നത്.