ശക്തമായ മഴയില്‍ സ്‌കൂളുകള്‍ക്ക് അവധി നല്‍കിയ ജില്ലകളില്‍ ഓണാവധി വെട്ടിച്ചുരുക്കിയെന്ന പ്രചാരണം വ്യാജമാണെന്നു വിദ്യാഭ്യാസവകുപ്പ്.
ഇത്തരത്തില്‍ വിദ്യാഭ്യാസ ഡയറക്ടറുടേതെന്ന പേരില്‍ സമൂഹമാധ്യമങ്ങളില്‍ വ്യാജവാര്‍ത്ത പ്രചരിപ്പിച്ചവര്‍ക്കെതിരെ സൈബര്‍ പൊലീസിന് ഇന്നു പരാതി നല്‍കുമെന്നും വകുപ്പ് അധികൃതര്‍ അറിയിച്ചു.
2018-19 അധ്യയന വര്‍ഷത്തില്‍ മഴക്കെടുതി കാരണം അവധി നല്‍കിയ വിദ്യാഭ്യാസ സ്ഥാപനങ്ങള്‍ക്ക് ഈ മാസം 24, 25, 26 എന്നീ ദിവസങ്ങളില്‍ മാത്രമേ അവധിയുണ്ടായിരിക്കുകയുള്ളൂവെന്നു വിദ്യാഭ്യാസ ഡയറക്ടര്‍ അറിയിച്ചു എന്ന വ്യാജ വാര്‍ത്തയാണ് സോഷ്യല്‍മീഡിയയിലൂടെ പ്രചരിക്കുന്നത്.
