ആലപ്പുഴ: പ്രമുഖ ജ്വല്ലറി ഗ്രൂപ്പായ ജോയ് ആലുക്കാസിന്റെ പുതിയ ഷോറൂം ആലപ്പുഴയില്‍ പ്രവര്‍ത്തനമാരംഭിച്ചു. സ്വര്‍ണം, ഡയമണ്ട്, പോള്‍കി, പ്രഷ്യസ് ആന്റ് സെമി പ്രഷ്യസ് സ്റ്റോണുകള്‍ പേള്‍ ജുവലറി തുടങ്ങി വൈവിധ്യമാര്‍ന്നതും അതുല്ല്യവുമായ ആഭരണ ശേഖരമാണ് ഷോറൂമില്‍ ഒരുക്കിയിരിക്കുന്നത്. വിശാലമായ ഇന്റീരിയറുകളും വിപുലമായ ലോകോത്തര ജുവലറി കളക്ഷനും ലോകത്തിന് പ്രിയപ്പെട്ട ജുവല്ലറി ഗ്രൂപ്പിന്റെ കയ്യൊപ്പും ഇനി ആലപ്പുഴയുടെ സൗന്ദര്യത്തിന് മാറ്റുകൂട്ടും.
ആലപ്പുഴ മുനിസിപ്പല്‍ ചെയര്‍മാന്‍ തോമസ് ജോസഫ് ഷോറൂമിന്റെ ഉദ്ഘാടനം നിര്‍വ്വഹിച്ചു. ആലപ്പുഴ മുനിസിപ്പാലിറ്റി വാര്‍ഡ് കൗണ്‍സിലര്‍ ബിന്ദു തോമസ് ചടങ്ങില്‍ മുഖ്യാതിഥിയായി. ജോയ് ആലുക്കാസ് ഗ്രൂപ്പ് സിഎംഡി ജോയ് ആലുക്കാസ് ചടങ്ങില്‍ സന്നിഹിതനായിരുന്നു. വിവിധ മേഖലകളിലെ പ്രമുഖ വ്യക്തിത്വങ്ങളും പ്രാദേശിക പ്രമുഖരും ചടങ്ങില്‍ പങ്കെടുത്തു.
ആലപ്പുഴയുടെ മനോഹരമായ ഭൂപ്രകൃതിയും ഊര്‍ജ്ജസ്വലരായ ജനതയും നിറഞ്ഞ മണ്ണില്‍ ഒരു പുത്തന്‍ സുവര്‍ണ സംസ്‌കാരത്തിന് തുടക്കം കുറിച്ചതില്‍ തങ്ങള്‍ അതീവ സന്തുഷ്ടരാണെന്ന് ജോയ് ആലുക്കാസ് ഗ്രൂപ്പ് സിഎംഡി ജോയ് ആലുക്കാസ് പറഞ്ഞു. ആലപ്പുഴയ്ക്ക് ലോകോത്തര ജൂവലറി ഷോപ്പിങ് സമ്മാനിക്കുന്നതില്‍ തങ്ങള്‍ക്ക് അതിയായ സന്തോഷമുണ്ടെന്നും അദ്ദേഹം വ്യക്തമാക്കി.
പാരമ്പര്യവും ആധുനികതയും സമന്വയിക്കുന്ന ലോകോത്തര ജ്വല്ലറി കളക്ഷന്‍സിന്റെ വിവിധതരം ഡിസൈനുകളും പാറ്റേണുകളുമാണ് ആലപ്പുഴ ഷോറൂമില്‍ ഒരുക്കിയിരിക്കുന്നത്. വേദ ടെമ്പിള്‍ ജുവലറി, പ്രൈഡ് ഡയമണ്ട്‌സ്, എലഗന്‍സ് പോള്‍കി ഡയമണ്ട്‌സ്, മസാക്കി പേള്‍സ്, സെനിന ടര്‍ക്കിഷ് ജുവലറി, ലില്‍ ജോയ് കിഡ്‌സ് ജുവലറി, അപൂര്‍വ്വ ആന്റിക് കളക്ഷന്‍സ്, രത്‌ന പ്രഷ്യസ് സ്റ്റോണ്‍ ജുവലറി, 7 വണ്ടേഴ്‌സ് ഡെയ്‌ലി വെയര്‍, ഐറിസ് കളര്‍ഫുള്‍ ഡയമണ്ട് ജുവലറി തുടങ്ങി ജോയ് ആലുക്കാസിന്റെ മാത്രം സവിശേഷതകളായ ആഭരണ ശേഖരങ്ങള്‍ പുതിയ ഷോറൂമിലെ പ്രത്യേകതയാണ്. കൂടാതെ സില്‍വര്‍ ആഭരണങ്ങളുടേയും ലോകോത്തര ബ്രാന്‍ഡ് വാച്ചുകളുടേയും പ്രത്യേക ശേഖരവും ഷോറൂമില്‍ ഒരുക്കിയിട്ടുണ്ട്.
