കേന്ദ്രമന്ത്രിയായി ചുമതലയേറ്റ അല്ഫോണ്സ് കണ്ണന്താനത്തിന് ഒരിക്കലും ഒരു വര്ഗീയവാദിയോ മതാന്ധകനോ ആകാന് കഴിയില്ലെന്നാണ് തന്റെ ഉറച്ച വിശ്വാസമെന്ന് മന്ത്രി കെ.ടി ജലീല്. ടൂറിസം ഐ.ടി മേഖലകകളില് നല്ല ഇടപെടലുകള് നടത്തി സംസ്ഥാനത്തിന് കഴിയുന്നതെല്ലാം ചെയ്യാന് അല്ഫോന്സ് ശ്രമിക്കുമെന്ന് നമുക്കാശിക്കാമെന്നും ജലീല് തന്റെ ഫെയ്സ്ബുക്കിലൂടെ വ്യക്തമാക്കുന്നു.
തമാശകള് പറഞ്ഞും പൊട്ടിച്ചിരിച്ചുമുള്ള അല്ഫോണ്സിന്റെ സംസാര ശൈലി ആരിലും മതിപ്പുളവാക്കാന് പോന്നതാണ്. മതേതര മനസുള്ള അദ്ദേഹം എങ്ങനെ ബിജെപിയില് ചെന്നുപെട്ടുവെന്ന് പലപ്പോഴും ആലോചിച്ചിട്ടുണ്ട് . ഒരുമിച്ചായിരുന്നപ്പോഴും എതിര്പക്ഷത്തായപ്പോഴും സൗഹൃദം കാത്ത് സൂക്ഷിക്കാന് തങ്ങള് ശ്രദ്ധിച്ചിരുന്നുവെന്നും ജലീല് പറയുന്നു.