തിരുവനന്തപുരം: എസ്എസ്എല്സി, ഹയര്സെക്കന്ഡറി, വൊക്കേഷണല് ഹയര്സെക്കന്ഡറി പരീക്ഷാ കേന്ദ്രങ്ങള് മാറ്റുന്നതിനായി വിദ്യാര്ഥികള്ക്ക് ഓണ്ലൈനായി 21 വരെ അപേക്ഷിക്കാം.
കോവിഡ് 19ന്റെ പശ്ചാത്തലത്തില് പരീക്ഷകള് എഴുതാന് സാധിക്കാത്ത മോഡല് റസിഡന്ഷല് സ്കൂള് ഹോസ്റ്റല്, പ്രീമെട്രിക്, പോസ്റ്റ് മെട്രിക് ഹോസ്റ്റല്, സ്പോര്ട്സ് ഹോസ്റ്റല്, സാമൂഹ്യക്ഷേമവകുപ്പിനു കീഴിലുള്ള ഷെല്ട്ടര് ഹോമുകളിലെ താമസക്കാരായ വിദ്യാര്ഥികള്, ഗള്ഫിലും ലക്ഷദ്വീപിലും അടിയന്തിരഘട്ടങ്ങളില് മറ്റു ജില്ലകളില് കുടുങ്ങിപ്പോയിട്ടുള്ള വിദ്യാര്ഥികള് തുടങ്ങിയവര്ക്കാണ് ഇതിന്റെ ഗുണം ലഭിക്കുക. ഹോസ്റ്റലുകളില് താമസിച്ചു പഠിച്ചിരുന്ന നിരവധി വിദ്യാര്ഥികളെ ലോക്ക്ഡൗണിനു മുന്നോടിയായി വീടുകളിലേക്ക് അയയ്ച്ചിരുന്നു. ജില്ലകള്ക്ക് അകത്തുള്ള പരീക്ഷാ കേന്ദ്രമാറ്റം അനുവദനീയമല്ല.
ഹയര്സെക്കന്ഡറി, വൊക്കേഷണല് ഹയര്സെക്കന്ഡറി വിദ്യാര്ഥികള്ക്ക് അവര് പഠിക്കുന്ന സബ്ജക്ട് കോന്പിനേഷന് നിലവിലുള്ള സ്കൂളുകള് മാത്രമേ പരീക്ഷാ കേന്ദ്രമായി തെരഞ്ഞെടുക്കാന് സാധിക്കുകയുള്ളു. വ്യാഴാഴ്ച വൈകുന്നേരം അഞ്ചു വരെയാണ് ഓണ്ലൈനായി അപേക്ഷിക്കാന് സമയം അനുവദിച്ചിട്ടുള്ളത്.
ലഭ്യമായ ഓണ്ലൈന് അപേക്ഷകള് പരിശോധിച്ച് അര്ഹരായ വിദ്യാര്ഥികള്ക്ക് പുതിയ പരീക്ഷാ കേന്ദ്രം അനുവദിച്ചുകൊണ്ടുള്ള ലിസ്റ്റ് 23ന് വെബ്സൈറ്റില് പ്രസിദ്ധീകരിക്കും. വിദ്യാര്ഥി അപേക്ഷിക്കുന്ന പരീക്ഷാകേന്ദ്രം അനുവദിക്കാന് കഴിയാത്ത പക്ഷം ജില്ലയിലെ സൗകര്യപ്രദമായ മറ്റൊരു കേന്ദ്രം അനുവദിക്കും.
എസ്എസ്എല്സി, ഹയര്സെക്കന്ഡറി, വൊക്കേഷണല് ഹയര്സെക്കന്ഡറി വിഭാഗങ്ങളിലെ പരീക്ഷാ കേന്ദ്ര മാറ്റങ്ങള്ക്ക് യഥാക്രമം www.sslcexam. kerala.gov.in, www.hscap.kerala .gov.in, www.vhscap.kerala. gov.in എന്നീ വെബ്സൈറ്റുകളിലെ Application for centre changeഎന്ന ലിങ്കിലൂടെ ഓണ്ലൈനായി അപേക്ഷ സമര്പ്പിക്കണം. എസ്എസ്എല്സി വിദ്യാര്ഥികള് അവര് പഠിക്കുന്ന മീഡിയം ഉള്ള പരീക്ഷാകേന്ദ്രമാണ് തെരഞ്ഞെടുക്കേണ്ടത്.
ഹയര്സെക്കന്ഡറി സ്കൂളുകളില് ലഭ്യമായ കോഴ്സ് വിവരങ്ങള് www.hscap.kerala.gov.in എന്ന വെബ്സൈറ്റിലെ school List എന്ന മെനുവില്നിന്നും ലഭ്യമാകുന്നതാണ്. വൊക്കേഷണല് ഹയര്സെക്കന്ഡറി സ്കൂളുകളില് ലഭ്യമായ കോഴ്സ് വിവരങ്ങള് മാതൃ സ്കൂള് പ്രിന്സിപ്പലുമായി ബന്ധപ്പെട്ട് ഉറപ്പാക്കണം.
സ്പെഷല് സ്കൂള് വിദ്യാര്ഥികള് അതേ വിഭാഗത്തിലുള്ള സ്പെഷല് സ്കൂളുകള് മാത്രമേ തെരഞ്ഞെടുക്കാവൂ. ഐഎച്ച്ആര്ഡി, ടിഎച്ച്എസ്എല്സി വിദ്യാര്ഥികളും ജില്ലയിലെ പ്രസ്തുത വിഭാഗം സ്കൂളുകള് തെരഞ്ഞെടുക്കണം.
www.hscap.kerala .gov.in
എഎച്ച്എസ്എല്സി, ആര്ട്സ് എച്ച്എസ്എസ് വിദ്യാര്ഥികള്ക്ക് പരീക്ഷാകേന്ദ്രം മാറ്റം അനുവദിക്കില്ല. ഓണ്ലൈന് അപേക്ഷാ സമര്പ്പണം സംബന്ധിച്ചുള്ള കൂടുതല് വിവരങ്ങള് അതാത് വെബ്സൈറ്റുകളില് ഉള്പ്പെടുത്തിയിട്ടുള്ളതായി പൊതുവിദ്യാഭ്യാസ ഡയറക്ടര് അറിയിച്ചു.
താഴെ കാണുന്ന ലിങ്കിൽ ക്ലിക്ക് ചെയ്ത് കേരള വിഷൻ വാർത്തകൾ നേരിട്ട് നിങ്ങളുടെ ഫോണിൽ ലഭ്യമാക്കാം:
https://chat.whatsapp.com/EgkAz6OxpO0AZNdLGS8MmB