തിരുവനന്തപുരം: എസ്.എസ്.എല്‍.സി, ഹയര്‍ സെക്കന്‍ഡറി പരീക്ഷാകേന്ദ്രം മാറ്റാനായി അപേക്ഷകരുടെ വൻ തിരക്ക്. 5,480 വിദ്യാര്‍ഥികളാണ് ആദ്യ ദിവസം അപേക്ഷിച്ചത്. 895 പേര്‍ എസ്.എസ്.എല്‍.സി വിദ്യാര്‍ഥികളാണ്. 2,300 പേര്‍ ഒന്നാം വര്‍ഷ ഹയര്‍ സെക്കന്‍ഡറി വിദ്യാര്‍ഥികളും 2,174 പേര്‍ രണ്ടാം വര്‍ഷ വിദ്യാര്‍ഥികളുമാണ്.
ലോക്ഡൗണിനെ തുടര്‍ന്ന് നിലവിലെ പരീക്ഷാകേന്ദ്രത്തില്‍ എത്താന്‍ സാധിക്കാത്തവര്‍ക്കാണ് മാറ്റം അനുവദിക്കുന്നത്. ജില്ലക്കകത്ത് കേന്ദ്രം മാറാന്‍ അനുമതിയില്ല. വ്യാഴാഴ്ച വൈകീട്ട് അഞ്ചുവരെ പരീക്ഷാകേന്ദ്രം മാറ്റാന്‍ ഓണ്‍ലൈന്‍ അപേക്ഷ സമര്‍പ്പിക്കാം. 50 ഒന്നാം വര്‍ഷ വി.എച്ച്.എസ്.ഇ വിദ്യാര്‍ഥികളും 61 രണ്ടാം വര്‍ഷ വിദ്യാര്‍ഥികളും മാറ്റത്തിന് അപേക്ഷിച്ചിട്ടുണ്ട്. പരീക്ഷാകേന്ദ്രത്തില്‍ മാറ്റം അനുവദിച്ചവരുടെ പട്ടിക 23ന് വെബ്സൈറ്റില്‍ പ്രസിദ്ധീകരിക്കും.
എസ്.എസ്.എല്‍.സി പരീക്ഷ കേന്ദ്രമാറ്റത്തിന് https://sslcexam.kerala.gov.in വഴിയും ഹയര്‍ സെക്കന്‍ഡറിക്ക് www.hscap.kerala.gov.in, വി.എച്ച്.എസ്.ഇക്ക് www.vhscap.kerala.gov.in എന്നീ വെബ്സൈറ്റുകള്‍ വഴിയുമാണ് അപേക്ഷിക്കേണ്ടത്.
താഴെ കാണുന്ന ലിങ്കിൽ ക്ലിക്ക് ചെയ്ത് കേരള വിഷൻ വാർത്തകൾ നേരിട്ട് നിങ്ങളുടെ ഫോണിൽ ലഭ്യമാക്കാം:
https://chat.whatsapp.com/EgkAz6OxpO0AZNdLGS8MmB
