ഡല്‍ഹി: നാലാം ഘട്ട ലോക്ക് ഡൗണിന്റെ മാര്‍ഗനിര്‍ദേശം പുറത്തിറക്കി. വ്യോമഗതാഗതവും മെട്രോ സര്‍വീസും അനുവദിക്കില്ല. വിദ്യാഭ്യാസ സ്ഥാപനങ്ങള്‍ ഈ മാസം 31 വരെ തുറക്കില്ല. ആരാധനാലയങ്ങളും ഹോട്ടലുകളും തുറക്കില്ല. തിയേറ്ററുകളും മാളുകളും അടഞ്ഞുകിടക്കും. രാത്രി യാത്രയ്ക്ക് കടുത്ത നിയന്ത്രണം ഏര്‍പ്പെടുത്തും. പൊതുസമ്മേളനം അനുവദിക്കില്ല. അന്തര്‍സംസ്ഥാന ബസ് സര്‍വ്വീസുകള്‍ ഉപാധികളോടെ അനുവദിക്കും. ഇരുസംസ്ഥാനങ്ങളും അനുവദിച്ചാല്‍ സര്‍വ്വീസ് നടത്താം.
സംസ്ഥാനങ്ങളുടെ ആവശ്യം അംഗീകരിച്ചാണ് പുതിയ മാര്‍ഗനിര്‍ദേശങ്ങള്‍. കണ്ടെയ്മെന്‍റ് സോണുകള്‍ സംസ്ഥാന സര്‍ക്കാരുകള്‍ക്ക് തീരുമാനിക്കാം. അന്തര്‍ സംസ്ഥാന ബസ് സര്‍വീസുകള്‍ ആരംഭിക്കുന്നത് സംബന്ധിച്ച്‌ സംസ്ഥാന സര്‍ക്കാരുകള്‍ക്ക് തീരുമാനമെടുക്കാമെന്നും മാര്‍ഗനിര്‍ദേശത്തില്‍ പറയുന്നു.
പുതിയ മാര്‍ഗനിര്‍ദേശങ്ങള്‍
• ഓണ്‍ലൈന്‍ വ്യാപാരത്തിന് അനുമതി.
• കടകള്‍ തുറക്കും.
• ബാര്‍ബര്‍ ഷോപ്പുകള്‍, സലൂണുകള്‍ എന്നിവ തുറക്കും.
• പൊതുപരിപാടികള്‍ക്ക് നിയന്ത്രണം തുടരും.
• ഹോട്ടലുകള്‍, തീയേറ്ററുകള്‍, ഷോപ്പിംഗ് മാളുകള്‍ തുറക്കില്ല.
• വിദ്യാഭ്യാസ സ്ഥാപനങ്ങള്‍, ആരാധനാലയങ്ങള്‍ അടഞ്ഞു കിടക്കും.
• അന്തര്‍ ജില്ലാ യാത്രകള്‍ അതത് സംസ്ഥാനങ്ങള്‍ക്ക് തീരുമാനിക്കാം.
• അന്തര്‍ സംസ്ഥാന യാത്രകള്‍ സംസ്ഥാനങ്ങളുടെ ധാരണപ്രകാരം.
• പൊതുയിടങ്ങളില്‍ തുപ്പുന്നത് ശിക്ഷാര്‍ഹം.
• വിമാന സര്‍വീസുകള്‍ ഇല്ല.
• കാണികളില്ലാതെ കായിക മത്സരങ്ങള്‍ നടത്താം.
• നിര്‍മാണ പ്രവര്‍ത്തനങ്ങള്‍ നിയന്ത്രണമില്ല.
• ആളു കൂടുന്ന പരിപാടികള്‍ക്ക് നിയന്ത്രണം തുടരും.
