ചെന്നൈ: പുതുക്കോട്ട ജില്ലയിലെ അറന്താങ്കിക്ക് സമീപം, മദ്യം കിട്ടാത്തതിനെ തുടര്‍ന്ന് ശീതളപാനീയത്തില്‍ ഷേവിങ് ലോഷന്‍ കലര്‍ത്തി കഴിച്ച രണ്ട് മത്സ്യത്തൊഴിലാളികള്‍ മരിച്ചു. മറ്റൊരാളുടെ നില ഗുരുതരമാണ്. അറന്താങ്കി കോട്ടൈപട്ടണത്ത് താമസിക്കുന്ന രാമനാഥപുരം പേക്കരിമ്പ് സ്വദേശി അരുണ്‍പാണ്ടി (27), ഹസന്‍ മൊയ്തീന്‍ (35) എന്നിവരാണ് മരിച്ചത്.
സുഹൃത്ത് അന്‍വര്‍ രാജയെ(33) ആശുപത്രിയില്‍ പ്രവേശിപ്പിച്ചു. ലോക്ഡൗണിനെ തുടര്‍ന്ന് മദ്യം കിട്ടാതെ വന്നപ്പോഴാണ് ഷേവിങ് ലോഷന്‍ സോഡയില്‍ കലര്‍ത്തി കഴിച്ചത്.
