ചെന്നൈ: മദ്രാസ് ഐഐടിയിലെ മലയാളി വിദ്യാര്ത്ഥിനി ഫാത്തിമയുടെ മരണത്തില് അധ്യാപകന് സുദര്ശന് പത്മനാഭനെ കമ്മീഷ്ണര് ഓഫീസിലേക്ക് വിളിച്ച് വരുത്തി ചോദ്യം ചെയ്തേക്കും. ക്യാമ്പസിലെത്തി അന്വേഷണ സംഘം വീണ്ടും തെളിവെടുക്കും. പ്രതിപക്ഷം വിഷയം ഇന്ന് പാര്ലമെന്റില് ഉന്നയിക്കും. ഫാത്തിമയുടെ സഹപാഠികളുടെ ഉള്പ്പടെ മൊഴി രേഖപ്പെടുത്തിയെങ്കിലും ആരും ആരോപണവിധേയരായ അധ്യാപകര്ക്കെതിരെ മൊഴി നല്കിയിട്ടില്ല. ഫാത്തിമയുടെ കുടുംബം ഉന്നയിച്ച സംശയങ്ങള് കേന്ദ്രീകരിച്ചാണ് ക്രൈംബ്രാഞ്ച് അന്വേഷണം. ഫാത്തിമയെ തൂങ്ങിമരിച്ച നിലയില് കണ്ടെത്തിയ സമയത്ത് സരയൂ ഹോസ്റ്റലിലുണ്ടായിരുന്ന വിദ്യാര്ത്ഥിനികളെ അന്വേഷണ സംഘം ചോദ്യം ചെയ്യും.
ഐഐടി വിദ്യാര്ത്ഥിനിയുടെ മരണം: സുദര്ശന് പത്മനാഭനെ ഇന്ന് ചോദ്യം ചെയ്തേക്കും
By
November 18, 2019 7:36 am