കൊച്ചി: മരട് കേസില്‍ കേരളത്തിനു വേണ്ടി പ്രമുഖ അഭിഭാഷകന്‍ ഹരീഷ് സാല്‍വേ ഹാജരായേക്കും. സോളിസിറ്റര്‍ ജനറല്‍ തുഷാര്‍ മേത്തയെ ഹാജരാക്കാനായിരുന്നു നേരത്തെ കേരളത്തിന്‍റെ ശ്രമം. സംസ്ഥാന സര്‍ക്കാരിനുവേണ്ടി മുതിര്‍ന്ന അഭിഭാഷകനും ഭരണഘടനാ വിദഗ്ദനുമായ വെങ്കട്ട രമണിയും കോടതിയില്‍ ഹാജരാകുമെന്നാണു റിപ്പോര്‍ട്ട്. മരട് ഫ്ളാറ്റ് കേസില്‍ ഇന്നു സുപ്രീംകോടതിയില്‍ നിര്‍ണായക ദിനമാണ്. ഫ്ളാറ്റുകള്‍ പൊളിച്ച്‌ അതിന്‍റെ റിപ്പോര്‍ട്ട് നല്‍കാന്‍ സുപ്രീംകോടതി ഉത്തരവിട്ടതിനു ശേഷം ഇന്നാണു കേസ് പരിഗണിക്കുന്നത്. ജസ്റ്റീസ് അരുണ്‍ മിശ്ര അധ്യക്ഷനായ ബെഞ്ച് 17-ാമത്തെ കേസായാണ് ഇതു പരിഗണിക്കുക.
