ബാറുകളുടെ ദൂരപരിധി കുറച്ചുകൊണ്ടുള്ള സര്ക്കാര് ഉത്തരവിനെതിരെ രൂക്ഷവിമര്ശനവുമായി കോണ്ഗ്രസ് നേതാവ് വിഎം സുധീരന് രംഗത്ത്. സംസ്ഥാന സര്ക്കാരിന്റെ കൂറ് മദ്യ മുതലാളിമാരോടാണെന്ന് ആവര്ത്തിച്ചു പ്രഖ്യാപിക്കുന്നതാണ് ഉത്തരവെന്ന് സുധീരന് കുറ്റപ്പെടുത്തി. കേരളം കണ്ട വലിയ രാഷ്ട്രീയ അഴിമതിയുടെ പ്രതിഫലനമാണ് മദ്യനയവും തുടര് നടപടികളും ഏറ്റവും ഒടുവിലത്തെ ഈ ഉത്തരവുമെന്ന് സുധീരന് അഭിപ്രായപ്പെട്ടു.
ആരാധനാലയങ്ങള്, വിദ്യാലയങ്ങള്, എസ്സി, എസ്ടി കോളനികള്ക്കൊക്കെ ഗുണകരമായിരുന്ന 200 മീറ്റര് ദൂരപരിധിയില് മാറ്റം വരുത്തി 50 മീറ്ററായി കുറച്ചത് ബാറുടമകള്ക്ക് സര്ക്കാരിന്റെ ഓണസമ്മാനമാണ്. ജനങ്ങള്ക്കൊപ്പമല്ല മറിച്ച്, വിദ്യാര്ത്ഥികളെ കൊള്ളയടിക്കുന്ന സ്വാശ്രയ മാനേജുമെന്റുകള്ക്കും ഭൂമാഫിയയ്ക്കും മദ്യമുതലാളിമാര്ക്കും ഒപ്പമാണ് ഈ സര്ക്കാര് എന്നത് വളരെ വ്യക്തമാണെന്ന് ഫെയ്സ്ബുക്ക് പോസ്റ്റിലൂടെ ആരോപിച്ചു.
ഫേസ്ബുക്ക് പോസ്റ്റിന്റെ പൂര്ണരൂപം ;