മുംബൈ: പീഡനക്കേസിലെ എഫ്ഐആര് റദ്ദാക്കണമെന്നാവശ്യപ്പെട്ട് ബിനോയ് കോടിയേരി സമര്പ്പിച്ച ഹര്ജി ഇന്ന് ബോംബെ ഹൈക്കോടതി പരിഗണിക്കും. വിവാഹ വാഗ്ദാനം നല്കി പീഡിപ്പിച്ചന്ന ബിഹാര് സ്വദേശിയായ യുവതിയുടെ പരാതിയില് തെളിവില്ലെന്നും കേസ് കെട്ടിച്ചമച്ചതാണെന്നും ബിനോയ് ഹര്ജിയില് പറയുന്നു.
കഴിഞ്ഞമാസം 29 ന് ബിനോയ് ഡിഎന്എ പരിശോധനയ്ക്ക് വിധേയനായിരുന്നു. പരിശോധനാഫലം രണ്ടാഴ്ച്ചയ്ക്കകം മുദ്രവെച്ച കവറില് ഹൈക്കോടതി രജിസ്ട്രാര്ക്ക് കൈമാറണമെന്നായിരുന്നു ഡിവിഷന് ബെഞ്ച് ഉത്തരവ്. ഡിഎന്എ പരിശോധന ഫലം കൈപ്പറ്റിയോ എന്ന കാര്യം രജിസ്ട്രാര് ഇന്ന് കോടതിയെ അറിയിക്കും. കേസില് മുംബൈ ദിന്ദോഷി സെഷന്സ് കോടതിയാണ് ബിനോയ് കോടിയേരിക്ക് മുന്കൂര് ജാമ്യം അനുവദിച്ചത്.