കോഴിക്കോട്: കാലവര്ഷക്കെടുതിയില് തകര്ന്ന 69 സ്കൂള് കെട്ടിടങ്ങളുടെ അറ്റകുറ്റപ്പണികൾ രണ്ട് ദിവസത്തിനകം പൂര്ത്തിയാക്കണമെന്ന് ജില്ലാകലക്ടര്. അറ്റകുറ്റപ്പണികള് തീര്ത്ത് ഫിറ്റ്നസ് സര്ട്ടിഫിക്കറ്റ് ലഭ്യമായ ശേഷം മാത്രമേ സ്കൂളുകള് തുറന്നു പ്രവര്ത്തിക്കാന് സാധിക്കുകയുള്ളു.
തദ്ദേശസ്വയംഭരണ സ്ഥാപനങ്ങളാണ് സര്ക്കാര് സ്കൂളുകളുകളുടെയും അങ്കണവാടികളുടെയും പ്രവൃത്തികള് പൂര്ത്തിയാക്കേണ്ടത്. എയ്ഡഡ് സ്കൂളുകളുടെ അറ്റകുറ്റപ്പണികള് സംബന്ധിച്ച് വിദ്യാഭ്യാസ ഡെപ്യൂട്ടി ഡയറക്ടര് അതത് സ്കൂള് മാനേജര്മാര്ക്ക് നിര്ദേശം നല്കണം. പ്രത്യക്ഷത്തില് കേടുപാടുകള് കാണുന്നില്ലെങ്കിലും ഭാവിയില് വിള്ളല് വീഴാന് സാധ്യതയുള്ള സ്കൂളുകളും പരിശോധിച്ച് പ്രവൃത്തി നടത്തണം. നേരത്തെ എല്ലാ സ്കൂളുകളുടെയും ഫിറ്റിനസ് പരിശോധിച്ച് റിപ്പോര്ട്ട് ചെയ്യാനായി എല്എസ്ജിഡി എക്സിക്യൂട്ടീവ് എഞ്ചിനീയറെ ചുമതലപ്പെടുത്തിയിരുന്നു.
കാലവര്ഷക്കെടുതി; കോഴിക്കോട് ജില്ലയിൽ തകര്ന്ന സ്കൂള് കെട്ടിടങ്ങളുടെ അറ്റകുറ്റപ്പണികൾ രണ്ട് ദിവസത്തിനകം പൂര്ത്തിയാക്കണമെന്ന് കോഴിക്കോട് ജില്ലാകലക്ടര്
By
August 14, 2019 5:31 pm