ന്യൂഡല്‍ഹി: രാജ്യത്തെ ഓട്ടോമൊബൈല്‍ സെക്ടറില്‍ പ്രതിസന്ധി കൂടുതല്‍ രൂക്ഷമാകുന്നു. ജൂലൈ മാസത്തിലെ പാസഞ്ചര്‍ വാഹനങ്ങളുടെ വില്‍പനയില്‍ 31 ശതമാനത്തിന്‍െറ ഇടിവാണ് രേഖപ്പെടുത്തിയത്. വാഹന നിര്‍മാതാക്കളുടെ സംഘടനയായ സിയാമാണ് വില്‍പന സംബന്ധിച്ച പുതിയ കണക്കുകള്‍ പുറത്ത് വിട്ടത്.
ജൂലൈയില്‍ 2,00,790 പാസഞ്ചര്‍ വാഹനങ്ങളാണ് നിര്‍മാതാക്കള്‍ ആകെ വിറ്റതെന്ന് സിയാമിന്‍െറ കണക്കുകളില്‍ നിന്ന് വ്യക്തമാകും. വാഹന നിര്‍മാണത്തിലും ഇന്ത്യയില്‍ ഇടിവാണ് രേഖപ്പെടുത്തുന്നത്. വാഹന നിര്‍മാണത്തില്‍ 17 ശതമാനത്തിന്‍െറ ഇടിവ് ജൂലൈയില്‍ രേഖപ്പെടുത്തി.
