ബെല്‍ഗാം: കര്‍ണാടകയിലെ ബെല്‍ഗാമില്‍ വെളളപ്പൊക്കത്താല്‍ ദുരിതമനുഭവിക്കുകയാണ് ജനം. നൂറുകണക്കിന് പേരെയാണ് ഇവിടെനിന്നും മാറ്റിയത്. വെളളപ്പൊക്കത്തില്‍ ഇഴജന്തുക്കള്‍ ഒഴുകിയെത്തുന്നത് വലിയ ഭീഷണിയാകുന്നുണ്ട്. ഇത്തരത്തില്‍ ഒഴുകിയെത്തിയ വലിയൊരു മുതല വീടിന്റെ മേല്‍ക്കൂരയിലാണ് അഭയം തേടിയത്.
#WATCH A crocodile lands on roof of a house in flood-affected Raybag taluk in Belgaum. #Karnataka (11.08.19) pic.twitter.com/wXbRRrx9kF
— ANI (@ANI) August 12, 2019
വീടിന്റെ മേല്‍ക്കൂരയില്‍ വാ തുറന്നു പിടിച്ചു കിടക്കുന്ന മുതലയുടെ വീഡിയോ എഎന്‍ഐ ആണ് ട്വീറ്റ് ചെയ്തത്. 37,000 ത്തിലധികം പേരാണ് ഇതിനോടകം വീഡിയോ കണ്ടത്. മുതലയെ പിടിക്കാനായി വനം വകുപ്പ് അധികൃതര്‍ എത്തിയെങ്കിലും മുതലയെ കാണാനായില്ലെന്ന് എഎന്‍ഐ റിപ്പോര്‍ട്ടില്‍ പറയുന്നു. പ്രദേശവാസികള്‍ കല്ലെറിഞ്ഞതിനാലാണ് മുതല മേല്‍ക്കൂരയില്‍നിന്നും വെളളത്തിലേക്ക് ഇറങ്ങിയതെന്നും റിപ്പോര്‍ട്ടുണ്ട്.
