മുതലയെ കാണുമ്പോൾ തന്നെ പേടിക്കുന്നവരാണ് അധികവും.വെള്ളത്തില്‍ മുതല കൂടുതല്‍ അപകടകാരികളാണ്. കാട്ടിലെ രാജാവ് എന്ന് വിശേഷമുള്ള സിംഹത്തിന് പോലും ചിലപ്പോള്‍ മുതലയുടെ പിടിയില്‍ നിന്ന് രക്ഷപ്പെടാന്‍ സാധിച്ചെന്ന് വരില്ലെന്ന് വ്യക്തമാക്കുന്ന ദൃശ്യങ്ങള്‍ പുറത്തുവന്നിട്ടുണ്ട്. ഇപ്പോള്‍ ഈ അപകടം ഒന്നും ഗൗനിക്കാതെ, ഒരാണ്‍കുട്ടി മുതലക്കുഞ്ഞിനെ പുറത്തിട്ടു നടക്കുന്ന ദൃശ്യമാണ്് സോഷ്യല്‍മീഡിയയെ ഞെട്ടിക്കുന്നത്. ഇരുവശങ്ങളിലും നില്‍ക്കുന്ന ആളുകളെയൊന്നും ഗൗനിക്കാതെ വളരെ ലാഘവത്തോടെയാണ് മുതലയെ പുറത്തിട്ടുകൊണ്ടുള്ള കുട്ടിയുടെ നടപ്പ്.
harga diri si buaya langsung turun pic.twitter.com/xl3z1tlpHR
— 𝑹𝒂𝒏𝒅𝒐𝒎 𝑽𝒊𝒅𝒆𝒐 𝒐𝒏 𝑰𝒏𝒕𝒆𝒓𝒏𝒆𝒕 (@FunnyVideosID) February 16, 2023
ഫണ്ണി വിഡിയോസ് എന്ന ട്വിറ്റര്‍ പേജിലാണ് വീഡിയോ പങ്കുവെച്ചത്.സമീപത്തുള്ളവരെല്ലാം ആശ്ചര്യത്തോടെ ഈ ദൃശ്യം മൊബൈലില്‍ പകര്‍ത്തുന്നതും വിഡിയോയില്‍ കാണാം. മുതലയെന്നു കേള്‍ക്കുമ്പോള്‍ തന്നെ ഭയന്നുവിറയ്ക്കുന്നവര്‍ കുട്ടിയുടെ ധൈര്യം കണ്ട് അമ്പരന്നിരിക്കുകയാണ്. കുട്ടിയെ ആക്രമിക്കാന്‍ ശ്രമിക്കുകയോ കുതറുകയോ ചെയ്യാതെ അനുസരണയുള്ള വളര്‍ത്തുമൃഗത്തെപ്പോലെയായിരുന്നു മുതലയുടെ പെരുമാറ്റം. അപാര ധൈര്യമെന്നാണ് കുട്ടിയുടെ വിഡിയോയുടെ താഴെ പ്രതികരണങ്ങള്‍ നിറയുന്നത്.
