ബംഗളുരു: അനിശ്ചിതത്വത്തിലൂടെ ഇഴഞ്ഞു നീങ്ങിയ കര്ണാടക നിയമസഭാ നടപടികള്ക്ക് അര്ധരാത്രിയോടെ അവസാനമായി. ഇന്ന് വൈകിട്ട് ആറ് മണിക്കുള്ളില് വിശ്വാസവോട്ടെടുപ്പ് നടക്കുമെന്ന് കര്ണാടക സ്പീക്കര് കെ ആര് രമേശ് കുമാര് വ്യക്തമാക്കി. ഇന്ന് വൈകിട്ട് നാല് മണിക്കുള്ളില് വിശ്വാസപ്രമേയത്തില് ചര്ച്ച പൂര്ത്തിയാകണം. ആറ് മണിക്കുള്ളില് വിശ്വാസവോട്ടെടുപ്പ് നടക്കുമെന്നും സ്പീക്കര് അറിയിച്ചു.
അര്ധരാത്രി തന്നെ വിശ്വാസവോട്ടെടുപ്പ് വേണമെന്ന് ബിജെപി ആവശ്യപ്പെട്ടപ്പോള് കോണ്ഗ്രസ് ശക്തമായി എതിര്ത്തു. വേണമെങ്കില് നടപടികള്ക്കായി താന് പുലര്ച്ചെ വരെ ഇരിക്കാമെന്ന് സ്പീക്കര് പറഞ്ഞു. എന്നാല് പ്രതിഷേധം ശക്തമായതോടെ സഭ പിരിയാന് തീരുമാനമെടുക്കുകയായിരുന്നു.