പീഡനക്കേസില്‍ ചോദ്യം ചെയ്യലിന് ഹാജരാകാന്‍ ബിനോയ്
കോടിയേരിക്ക് നോട്ടീസ്. മുംബൈ ഒഷിവാര പൊലീസ് സ്റ്റേഷന്‍ എസ്.ഐ വിനായക് യാദവ്, കോണ്‍സ്റ്റബിള്‍ ദയാനന്ദ പവാര്‍ എന്നിവര്‍ തലശേരി കോടിയേരിയിലെ വീട്ടിലെത്തിയാണ് നോട്ടീസ് കൈമാറിയത്. മുംബൈ പോലീസ് എത്തിയപ്പോള്‍ ബിനോയ്
വീട്ടിലുണ്ടായിരുന്നില്ല. ഫോണ്‍ സ്വിച്ച് ഓഫ് ചെയ്ത നിലയിലാണ്.
ഇൗമാസം 13നാണ് മുംബൈ ഒഷിവാര പൊലീസ് സ്റ്റേഷനില്‍ ബിനോയ് കോടിയേരിക്കെതിരെ എഫ്.െഎ.ആര്‍ രജിസ്റ്റര്‍ ചെയ്തത്. വിവാഹവാഗ്ദാനം നല്‍കി പീഡിപ്പിച്ചുവെന്നും എട്ടുവയസ്സുള്ള കുട്ടിയുടെ പിതാവ് ബിനോയ് ആണെന്നുമാണ് മുംബൈയില്‍ സ്ഥിരതാമസമാക്കിയ ബിഹാര്‍ യുവതിയുടെ പരാതി.
