ആസിഡ് ആക്രമണത്തെ അതിജീവിച്ച പെണ്കുട്ടിയായി പാര്വതിയെത്തുന്ന ഉയരെ എന്ന ചിത്രത്തിലെ ഗാനം പുറത്തിറങ്ങി. വിജയ് യേശുദാസും സിത്താരയും ചേര്ന്നാലപിച്ച നീ മുകിലോ എന്നു തുടങ്ങുന്ന ഗാനമാണ് പുറത്തിറങ്ങിയത്. റഫീഖ് അഹമ്മദിന്റെ വരികള്ക്ക് സംഗീതം നല്കിയിരിക്കുന്നത് ഗോപി സുന്ദറാണ്.
നവാഗതനായ മനു അശോകന് സംവിധാനം ചെയ്യുന്ന ചിത്രത്തില് ടൊവീനോ, ആസിഫ് അലി എന്നിവരാണ് നായകന്മാര്. സിദ്ധിഖ്, പ്രതാപ് പോത്തന്, അനാര്ക്കലി മരക്കാര്, പ്രേം പ്രകാശ്, ഇര്ഷാദ്, നാസ്സര്, സംയുക്ത മേനോന്, ഭഗത്, അനില് മുരളി,അനില് മുരളി, ശ്രീറാം എന്നിവരാണ് ചിത്രത്തിലെ മറ്റ് താരങ്ങള്. ഷെനുഗ, ഷെഗ്ന, ഷെര്ഗ എന്നിവര് ചേര്ന്ന് എസ് ക്യൂബ് പ്രൊഡക്ഷന്സിന്റെ ബാനറില് നിര്മിക്കുന്ന ചിത്രത്തിന് തിരക്കഥ ഒരുക്കിയിരിക്കുന്നത് സഞ്ജയും-ബോബിയും ചേര്ന്നാണ്.