ന്യൂഡൽഹി: ഉപഗ്രഹവേധ മിസൈൽ പദ്ധതി യുപിഎ സർക്കാരിന്‍റെ കാലത്ത് ആരംഭിച്ചതാണെന്ന് കോൺഗ്രസ്. യുപിഎ ആരംഭിച്ച എ സാറ്റ് പദ്ധതി ഇപ്പോഴാണ് ഫലത്തിലേക്ക് എത്തിയത്. ഇന്ത്യയുടെ ബഹിരാകാശ ശാസ്ത്രജ്ഞരെ അഭിനന്ദിക്കുന്നതായും കോൺഗ്രസ് നേതാവ് അഹമ്മദ് പട്ടേൽ ട്വീറ്റ് ചെയ്തു. മുൻ പ്രധാനമന്ത്രി മൻമോഹൻ സിംഗിന്‍റെ ദീർഘവീക്ഷണത്തേയും അഹമ്മദ് പട്ടേൽ അഭിനന്ദിച്ചു. തൊഴിലില്ലായ്മ, ഗ്രാമീണ മേഖലയിലെ പ്രതിസന്ധി തുടങ്ങിയ വിഷയങ്ങളിൽനിന്ന് രാജ്യത്തിന്‍റെ ശ്രദ്ധയെതിരിക്കാൻ ഇന്ന് ഒരു മണിക്കൂർ പ്രധാനമന്ത്രിക്ക് സാധിച്ചതായി സമാജ്‌വാദി പാർട്ടി നേതാവ് അഖിലേഷ് യാദവ് പറഞ്ഞു. ഐഎസ്ആർഒ, ഡിആർഡിഎ എന്നിവയ്ക്കു നന്ദി പറയുന്നതായും അദ്ദേഹം ട്വീറ്റ് ചെയ്തു
