നെടുമ്പാശ്ശേരി വിമാനത്താവളത്തില്‍ യാത്രക്കാരനില്‍നിന്ന് ഒരു കിലോഗ്രാം സ്വര്‍ണം പിടികൂടി. എയര്‍ ഇന്ത്യ എക്‌സ്പ്രസ് വിമാനത്തില്‍ ദോഹയില്‍നിന്നെത്തിയ യാത്രക്കാരനില്‍നിന്നാണ് സ്വര്‍ണം പിടിച്ചത്. 60 കാര്‍ട്ടണ്‍ വിദേശ സിഗരറ്റും ഇയാളില്‍നിന്നു പിടികൂടി. കാസര്‍ഗോഡ് സ്വദേശിയാണ് പിടിയിലായതെന്നാണു സൂചന.
ഈ സാമ്പത്തിക വര്‍ഷത്തില്‍ ആകെ 77.5 കിലോ ഗ്രാം സ്വര്‍ണം പിടികൂടിയതില്‍ നിന്നും 23 കോടി രൂപയുടെ വരുമാനമാണ് കൊച്ചി കസ്റ്റംസ് വിഭാഗം ഉണ്ടാക്കിയിരിക്കുന്നത്.
