തിരുവനന്തപുരം: ശബരിമലയിലെ ആചാരങ്ങള് സംരക്ഷിക്കണമെന്നാവശ്യപ്പെട്ട് ശബരിമല കര്മ്മസമിതിയുടേയും ബിജെപിയുടേയും നേതൃത്വത്തില് സംഘടിപ്പിച്ച അയ്യപ്പജ്യോതിയില് പങ്കെടുക്കാതെ ബിഡിജെഎസ് നേതാക്കള്.
അറിയിക്കാന് വൈകിയെന്ന് തുഷാര് വെള്ളാപ്പള്ളി പ്രതികരിച്ചതായി ഏഷ്യാനെറ്റ് ന്യൂസ് റിപ്പോര്ട്ടു ചെയ്യുന്നു. ഇന്നലെ ഉച്ചക്കാണ് പങ്കെടുക്കാന് ആവശ്യപ്പെട്ടതെന്നും കൂടിയാലോചനയ്ക്ക് സമയം ഉണ്ടായില്ലെന്നും തുഷാര് വ്യക്തമാക്കി.
അതേസമയം, അയ്യപ്പജ്യോതയില് പോകരുതെന്നോ പോകണമെന്നോ എസ്എന്ഡിപി അംഗങ്ങളോടോ ബിഡിജെഎസ് അംഗങ്ങളോടോ പറഞ്ഞിട്ടില്ലെന്ന് വെള്ളാപ്പള്ളി നടേശന് പ്രതികരിച്ചു.