തിരുവനന്തപുരം: ബിജെപി – യുവമോര്ച്ച പ്രവര്ത്തകര് നടത്തിയ സെക്രട്ടേറിയറ്റ് മാര്ച്ചിനെതിരേ ഉണ്ടായ പൊലീസ് നടപടിയില് പ്രതിഷേധിച്ച് തിരുവനന്തപുരത്തു ബിജെപി ആഹ്വാനം ചെയ്ത ഹര്ത്താല് തുടങ്ങി.
ശബരിമല വിഷയമുന്നയിച്ച് നിരാഹാരമിരിക്കുന്ന ബിജെപി സംസ്ഥാന ജനറല് സെക്രട്ടറി എ.എന്.രാധാകൃഷ്ണന്റെ സമരം അവസാനിപ്പിക്കാന് നടപടിയെടുക്കണമെന്ന് ആവശ്യപ്പെട്ടാണ് ബിജെപി മാര്ച്ച് നടത്തിയത്.
രാവിലെ ആറു മുതല് വൈകിട്ട് ആറു വരെയാണു ഹര്ത്താല്. ജില്ലയില് ചൊവ്വാഴ്ച നടക്കാനിരുന്ന പ്ലസ് വണ്, പ്ലസ് ടു പരീക്ഷകളും സ്കൂളുകളിലെ അര്ധവാര്ഷിക പരീക്ഷകളും മാറ്റിവച്ചിട്ടുണ്ട്.