ദുബൈ: യുഎഇയില് പൊതുമാപ്പ് ഡിസംബര് 31 വരെ നീട്ടി. ദേശീയ ദിനത്തോടനുബന്ധിച്ചാണ് യുഎഇ ഭരണകൂടത്തിന്റെ തീരുമാനം. ഓഗസ്റ്റില് ആരംഭിച്ച പൊതുമാപ്പ് രണ്ടാം തവണയാണ് നീട്ടുന്നത്. പൊതുമാപ്പ് നീട്ടണമെന്ന് ചില രാജ്യങ്ങളുടെ എംബസികള് യുഎഇയോട് ആഭ്യര്ത്ഥിച്ചിരുന്നു.
ഓഗസ്റ്റ് ആദ്യം ആരംഭിച്ച പൊതുമാപ്പ് ഒക്ടോബര് അവസാനം വരെയെന്നായിരുന്നു ആദ്യം പ്രഖ്യാപിച്ചിരുന്നത്. പിന്നീട് വിവിധ രാജ്യങ്ങളിലെ എംബസികള് ആവശ്യപ്പെട്ടതനുസരിച്ച് ഒരുമാസം കൂടി നീട്ടി. നവംബര് അവസാനം ഈ കാലാവധിയും അവസാനിച്ചിരുന്നു.