കണ്ണൂര്: കണ്ണൂരില് ബിജെപി മാര്ച്ചിനിടെ പോലീസിനെ ഭീഷണിപ്പെടുത്തിയ കേസില് ബിജെപി സംസ്ഥാന ജനറല് സെക്രട്ടറി കെ.സുരേന്ദ്രന് ജാമ്യം. കണ്ണൂര് ഫസ്റ്റ് ക്ലാസ് മജിസ്ട്രേറ്റ് കോടതിയാണ് ജാമ്യം അനുവദിച്ചത്. ഫെബ്രുവരി 14നു വീണ്ടും ഹാജരാകണം.
കോടതിയില് ഹാജരാകണമെന്ന് അറിയിക്കുന്ന സമന്സ് കിട്ടിയില്ലെന്നു കെ സുരേന്ദ്രന് കോടതിയെ അറിയിച്ചു. പല തവണയായ കേസിന് ഹാജരാകാതിരുന്നതിനെ തുടര്ന്ന് കോടതി പ്രൊഡക്ഷന് വാറണ്ട് പുറപ്പെടുവിച്ചിരുന്നു.
അതേസമയം ഈ കേസില് ജാമ്യം ലഭിച്ചെങ്കിലും സുരേന്ദ്രന് ജയില് മോചിതനായി പുറത്തിറങ്ങാന് കഴിയില്ല. ശബരിമലയില് സ്ത്രീയെ വധിക്കാന് ഗൂഢാലോചന നടത്തിയെന്ന കേസില് റാന്നി കോടതി ജാമ്യം നിഷേധിച്ചിരുന്നു.