തിരുവനന്തപുരം: ഷൊര്ണ്ണൂര് എംഎല്എ പി.കെ ശശിക്കെതിരെ ഇന്ന് ചേരുന്ന സിപിഎം സംസ്ഥാനകമ്മിറ്റി നടപടി എടുത്തേക്കുമെന്ന് സൂചന. ശശിക്കെതിരായ നടപടി തരംതാഴ്ത്തലില് ഒതുങ്ങാനാണ് സാധ്യത.
അതേസമയം, പരാതി പുറത്ത് വന്നതിലെ ഗൂഢാലോചന ആരോപിച്ച് പി.കെ ശശി നല്കിയ പരാതിയിലും ഇന്ന് നടപടിയുണ്ടായേക്കും.
പി.കെ ശശി നയിക്കുന്ന ജാഥ പുരോഗമിക്കുന്നത് കൊണ്ടാണ് വെള്ളിയാഴ്ച ചേര്ന്ന സംസ്ഥാനകമ്മിറ്റി നടപടിയെടുക്കാതെ പിരിഞ്ഞത്. എന്നാല് ഇന്നലെ ജാഥ സമാപിച്ച സഹാചര്യത്തില് ഇന്ന് ചേരുന്ന സംസ്ഥാനകമ്മിറ്റി റിപ്പോര്ട്ടിന്മേല് തീരുമാനമെടുക്കും.