കണ്ണൂര് രാജ്യാന്തര വിമാനത്താവളം ഡിസംബര് 9ന് ഉദ്ഘാടനം ചെയ്യുമെന്ന് മുഖ്യമന്ത്രിയുടെ ഓഫിസ് അറിയിച്ചു. വിമാനത്താവളത്തിനുള്ള ഏറോഡ്രാം ലൈസന്സ് വ്യാഴാഴ്ച ഡിജിസിഎ അനുവദിച്ചിരുന്നു. അതേത്തുടര്ന്നാണ് ഉദ്ഘാടന തീയതി നിശ്ചയിച്ചത്.
പരീക്ഷണപ്പറക്കല് വിജയമായതിന്റെ പശ്ചാത്തലത്തിലാണ് ഏറോഡ്രാം ലൈസന്സ് ഡയറക്ടര് ജനറല് ഓഫ് സിവില് ഏവിയേഷന് (ഡിജിസിഎ) അനുവദിച്ചത്.
The Indigo ATR 72 conducted a flight trial at Kannur International Airport on 21st September 2018. The flight arrived from Kochi and carried out a total of six approaches for the DVOR approach procedure check.#Kannur #KannurAirport #Kerala #KeralaAirport #Airport #Travel #India pic.twitter.com/XFQLOaeBrJ
— Kannur International Airport Ltd (@airportCNN) September 22, 2018
വിമാനത്താവളത്തില് എയര്പോര്ട്ട് അതോറിറ്റി ഓഫ് ഇന്ത്യയുടെ കാലിബറേഷന് വിമാനം ഉപയോഗിച്ചുളള പരിശോധന വിജയകരമായിരുന്നു. ഇതോടെ വലിയ യാത്രാ വിമാനം ഉപയോഗിച്ചുളള പരീക്ഷണ ലാന്ഡിങ് നടത്തി.
എയര് ഇന്ത്യ എക്സ്പ്രസ് ബോയിങ് വിമാനമാണ് കണ്ണൂര് വിമാനത്താവളത്തില് ഇറങ്ങിയത്. ആറു തവണ താഴ്ന്നു പറന്നു പരിശോധന നടത്തിയ ശേഷമാണ് ലാന്ഡിങ് നടത്തിയത്. യാത്രാവിമാനം വിജയകരമായി ഇറക്കി ഫ്ലൈറ്റ് വാലിഡേഷന് പൂര്ത്തിയാക്കി ഡിജിസിഎക്ക് റിപ്പോര്ട്ട് നല്കിയതോടെയാണ് വിമാനത്താവളത്തിന് പ്രവര്ത്തനാനുമതി ലഭിച്ചത്. ലൈസന്സ് ലഭിച്ചെങ്കിലും വാണിജ്യാടിസ്ഥാനത്തില് സര്വീസ് നടത്താന് ചില നടപടി ക്രമങ്ങള് കൂടി പൂര്ത്തിയാക്കേണ്ടതായുണ്ട്.
കണ്ണൂര് വിമാനത്താവളത്തില്നിന്നും സര്വീസ് നടത്താന് 11 രാജ്യാന്തര കമ്പനികളും ആറ് ഇന്ത്യന് കമ്പനികളും സമ്മതം അറിയിച്ചിട്ടുണ്ട്.