എസ്ബിഐയുടെ എ.ടി.എമ്മുകളില്‍ നിന്ന് പിന്‍വലിക്കാവുന്ന പരമാവധി തുക 20,000 ആക്കി കുറച്ചു. നേരത്തെ എടിഎം വഴി 40,000 രൂപവരെ പിന്‍വലിക്കാമായിരുന്നു. എ.ടി.എം കബളിപ്പിക്കലും മറ്റും വ്യാപകമായതോടെയാണ് ബാങ്കിന്റെ പുതിയ തീരുമാനം. ഡിജിറ്റല്‍, കറന്‍സിരഹിത ഇടപാടുകള്‍ പ്രോത്സാഹിപ്പിക്കുന്നതിന് വേണ്ടി കൂടിയാണ് ഈ തീരുമാനമെന്ന് ബാങ്ക് പ്രസ്താവനയില്‍ വ്യക്തമാക്കി. രാജ്യത്തെ ഏറ്റവും വലിയ പൊതുമേഖലാ ബാങ്കായ എസ്.ബി.ഐയ്ക്ക് 59,598 എ.ടി.എമ്മുകളാണുള്ളത്.
