കേരളത്തില് കാലവര്ഷം ശക്തി പ്രാപിക്കുന്നു. ജൂണ് 10 വരെ കനത്ത മഴ തുടരുമെന്ന് കാലാവസ്ഥാ നിരീക്ഷണ കേന്ദ്രം അറിയിച്ചിട്ടുണ്ട്. കേരളത്തിലെയും ലക്ഷദ്വീപിലെയും തീരങ്ങളില് മണിക്കൂറില് 50 കിലോമീറ്റര് വരെ വേഗതയില് ശക്തമായ കാറ്റു വീശാനും സാധ്യതയുണ്ട്. മത്സ്യതൊഴിലാളികള് കടലില് പോകരുതെന്നും തീരപ്രദേശങ്ങളില് താമസിക്കുന്നവര് ജാഗ്രത പാലിക്കണമെന്നും മുന്നറിയിപ്പുണ്ട്.
അതേസമയം മണ്സൂണ് എത്തും മുമ്പേ മുംബൈയിലും കനത്ത മഴ തുടരുകയാണ്. റോഡുകള് വെള്ളത്തിനടിയിലായി. കനത്ത മഴ തുടരുമെന്ന കാലാവസ്ഥാ വകുപ്പിന്റെ പ്രവചനത്തെത്തുടര്ന്ന് നാലു ദിവസത്തേക്കു റെഡ് അലര്ട്ട് പ്രഖ്യാപിച്ചിരിക്കുകയാണ്. അടുത്ത 48-72 മണിക്കൂറുകള്ക്കകം മണ്സൂണ് മുംബൈയിലെത്തുമെന്നാണു പ്രതീക്ഷിക്കുന്നത്.