തിരുവനന്തപുരം : സംസ്ഥാനത്ത് ഇന്നും കനത്ത മഴ തുടര്ന്നേക്കുമെന്ന് കാലാവസ്ഥ വകുപ്പിന്റെ മുന്നറിയിപ്പ്. ഉച്ചയ്ക്ക് ശേഷം ശക്തിയ ഇടിമിന്നലിന് സാധ്യതയുണ്ടെന്നും ദുരന്തനിവാരണ അതോറിറ്റി മുന്നറിയിപ്പ് നൽകി. ഇന്റെ പശ്ചാത്തലത്തില് 11 ജില്ലകളില് യെല്ലോ അലര്ട്ട് പ്രഖ്യാപിച്ചു.
ആലപ്പുഴ, കോട്ടയം, എറണാകുളം, ഇടുക്കി, തൃശ്ശൂർ, പാലക്കാട്, മലപ്പുറം, കോഴിക്കോട്, വയനാട്, കണ്ണൂർ, കാസർഗോഡ് ജില്ലകളിലാണ് ജാഗ്രതാ നിർദേശം. വെള്ളിയാഴ്ച വരെ ശക്തമായ മഴ തുടർന്നേക്കുമെന്നാണ് പ്രവചനം.
ബംഗാള് ഉള്ക്കടലില് രൂപം കൊണ്ട തീവ്ര ന്യൂനമര്ദം ആന്ധ്ര തീരം വഴി കരയില് പ്രവേശിച്ചതായി കേന്ദ്ര കാലാവസ്ഥ വകുപ്പ് അറിയിച്ചു. ഇതേതുടര്ന്നാണ് മഴ കനത്തത്. നാളെ തൃശൂർ, പാലക്കാട്,മലപ്പുറം,വയനാട്,കോഴിക്കോട്, കണ്ണൂർ, കാസർകോട് ജില്ലകളിൽ യെല്ലോ അലർട്ട് പുറപ്പെടുവിച്ചിട്ടുണ്ട്.
അതിനിടെ ബംഗാൾ ഉൾക്കടലിൽ നാളെ പുതിയൊരു ന്യൂനമർദം കൂടി രൂപംകൊണ്ടേക്കുമെന്നും വിലയിരുത്തലുണ്ട്.