ന്യൂഡല്ഹി: സര്ക്കാര് രൂപീകരണത്തില് ഭരണഘടന മറികടന്ന് ബിജെപിക്ക് അനുകൂലമായ നിലപാട് സ്വീകരിച്ച കര്ണാടക ഗവര്ണര്ക്കെതിരെ മുതിര്ന്ന അഭിഭാഷകനും നിയവിദഗ്ദ്ധനുമായ രാംജത്മലാനി സുപ്രീംകോടതിയെ സമീപിച്ചു. ഗവര്ണറുടേത് ഭരണഘടനയെ അപമാനിക്കുന്ന നടപടിയാണെന്ന് ചൂണ്ടിക്കാട്ടിയാണ് സുപ്രീം കോടതിയെ സമീപിച്ചിരിക്കുന്നത്.
തന്റെ ഹര്ജി അടിയന്തിരമായി പരിഗണിക്കണമെന്ന് രാംജത്മലാനി ചീഫ് ജസ്റ്റിസ് അധ്യക്ഷനായ മൂന്നംഗ ബെഞ്ചിനോട് ആവശ്യപ്പെട്ടു. എന്നാല് സമാനമായ കോണ്ഗ്രസിന്റെ ഹര്ജി പരിഗണിക്കുന്ന ബെഞ്ചിനെ സമീപിക്കാന് കോടതി ജത്മലാനിയോട് ആവശ്യപ്പെട്ടു.
ജസ്റ്റിസ് എ.കെ.സിക്രിയുടെ നേതൃത്വത്തിലുള്ള ബെഞ്ച് നാളെയാണ് കോണ്ഗ്രസ് ഹര്ജിയുടെ വാദം കേള്ക്കുന്നത്. ഇതിന് മുമ്പായി ഈ ബെഞ്ചിനെ സമീപിക്കാനാണ് കോടതി നിര്ദേശിച്ചത്. ഭരണഘടന നല്കുന്ന അധികാരത്തെ അപമാനിക്കുന്ന നടപടിയാണ് ഗവര്ണറുടേത്. നടപടിയിലൂടെ ഭരണഘടനയെ അട്ടിമറിച്ചെന്നും ജത്മലാനി തന്റെ ഹര്ജിയില് ചൂണ്ടിക്കാട്ടി. ഏതെങ്കിലും പാര്ട്ടിക്കെതിരല്ലെ തന്റെ ഹര്ജിയെന്നും അദ്ദേഹം വ്യക്തമാക്കി.