കൊച്ചി: സംസ്ഥാനത്തെ സ്വകാര്യ ആശുപത്രികളിലെ നഴ്സുമാരുടെ ശമ്പളം കൂട്ടിയ സര്ക്കാര് വിജ്ഞാപനം സ്റ്റേ ചെയ്യണമെന്ന മാനേജ്മെന്റുകളുടെ ഹര്ജി ഹൈക്കോടതി ഡിവിഷന് ബെഞ്ച് തള്ളി. മാനദണ്ഡങ്ങള് പാലിച്ചാണ് വിജ്ഞാപനം ഇറക്കിയതെന്ന സര്ക്കാര് വാദം കോടതി അംഗീകരിച്ചു. ഇതേ ആവശ്യം ഉന്നയിച്ചു നേരത്തെ മാനേജ്മെന്റുകള് നല്കിയ ഹര്ജി ഹൈക്കോടതി സിംഗിള് ബെഞ്ച് തള്ളിയിരുന്നു.
എല്ലാ നഴ്സുമാരുടെ അടിസ്ഥാന ശമ്പളം ഇരുപതിനായിരം രൂപയാക്കി സര്ക്കാര് വിജ്ഞാപനം പുറത്തിറക്കിയിരുന്നു. വേതന വര്ധനവ് നടപ്പാക്കേണ്ടി വന്നാല് ആശുപത്രികള് പൂട്ടേണ്ടി വരുമെന്നാണ് ആശുപത്രി മാനേജ്മെന്റുകള് പറയുന്നത്. ശമ്പളം വര്ദ്ധിപ്പിച്ചാല് ചികിത്സാച്ചിലവ് കൂട്ടേണ്ടി വരും. ഇത് സാധാരണക്കാരന് താങ്ങാനാവില്ലെന്നുമാണ് മാനേജ്മെന്റിന്റെ നിലപാട്.