കാസര്ഗോഡ്: കേബിള് ടിവി ഓപ്പറേറ്റേഴ്സ് അസോസിയേഷന് പതിനൊന്നാമത് സംസ്ഥാന സമ്മേളനത്തിന് സമാപനമായി. മൂന്ന് ദിവസങ്ങളിലായി കാസര്ഗോഡ് കാഞ്ഞങ്ങാട് നടക്കുന്ന സമ്മേളനത്തില് മൂവായിരത്തില്പ്പരം കേബിള് ഓപ്പറേറ്റര്മാര് പങ്കെടുത്തു. സമ്മേളനത്തില് ഈ വര്ഷത്തെ സംസ്ഥാന കമ്മിറ്റിയംഗങ്ങളെ തെരഞ്ഞെടുത്തു.
സിഒഎ സംസ്ഥാന അധ്യക്ഷ പദവിയില് കെ.വിജയകൃഷ്ണന് തുടരും. നിലവിലെ സെക്രട്ടറി കെ.വി രാജന് തന്നെയാണ് 2018-19 വര്ഷത്തെ ജനറല് സെക്രട്ടറി. വൈസ് പ്രസിഡന്റ്മാരായി ബിനു ശിവദാസിനെയും, കെ ഗോപകുമാറിനെയും തിരഞ്ഞെടുത്തു. ജ്യോതികുമാര്, സജീവ് കുമാര് എന്നിവരെ സെക്രട്ടറി സ്ഥാനത്തേക്ക് തിരഞ്ഞെടുത്തു. അബൂബക്കര് സിദ്ദിഖാണ് ട്രഷറര്. സമാപന സമ്മേളനത്തില് എം.രാജ്മോഹന്, കെ ഗോവിന്ദന്, പ്രവീണ് മോഹന് തുടങ്ങിയവര് പങ്കെടുത്തു.