സാമൂഹിക മാധ്യമങ്ങളിലൂടെ മക്കളുമൊത്തുള്ള രസകരമായ നിമിഷങ്ങള് ഷാരൂഖ് ആരാധകരുമായി പങ്കു വയ്ക്കാറുണ്ട്. പ്രത്യേകിച്ച് കുഞ്ഞു അബ്രാമിനൊപ്പമുള്ള നിമിഷങ്ങള്. അത്തരത്തില് ഷാരൂഖ് ട്വിറ്ററിലൂടെ പങ്കുവച്ച മക്കളായ സുഹാനയുടെയും അബ്രാമിന്റെയും ചിത്രവും അതിനൊപ്പമുള്ള കുറിപ്പുമാണ് കൗതുകമാകുന്നത്.
അച്ഛനാവുക എന്നതിന്റെ ദൗര്ഭാഗ്യകരമായ വശം എന്ന് തുടങ്ങുന്ന കാപ്ഷ്യനോടെയാണ് സ്കൂളിലേക്കുള്ള യാത്രയ്ക്കിടെ കാറില് കുഞ്ഞു അബ്രാമിനെ മടിയിലിരുത്തി ഓമനിക്കുന്ന സുഹാനയുടെ ചിത്രം ഷാരൂഖ് പങ്കുവച്ചിരിക്കുന്നത്. എന്നാല് ആ ചിത്രത്തില് താന് വരാത്തതിന്റെ സങ്കടമാണ് വളരെ രസകരമായി ഷാരൂഖ് അവതരിപ്പിച്ചിരിക്കുന്നത്.
‘അച്ഛനാവുക എന്നതിന്റെ ഏറ്റവും ദൗര്ഭാഗ്യകരമായ വശം ഇതാണ്. നമ്മള് എല്ലായ്പോഴും മക്കളുടെ ചിത്രങ്ങള് പകര്ത്തും എന്നാല് അതില് നമ്മളുണ്ടാകില്ല. എഡിറ്റിങ്ങാണ് അവിടെ രക്ഷയ്ക്കെത്തുന്നത്.’ ഷാരൂഖ് കുറിച്ചു.