പ്രശസ്ത സാഹിത്യകാരന് പുനത്തില് കുഞ്ഞബ്ദുല്ല അന്തരിച്ചു. 77 വയസ്സായിരുന്നു. കോഴിക്കോട്ടെ സ്വകാര്യ ആശുപത്രിയില് ഇന്ന് പുലര്ച്ചെ 7.40നായിരുന്നു അന്ത്യം. കേന്ദ്ര, സംസ്ഥാന സാഹിത്യ അക്കാഡമി പുരസ്കാരങ്ങള് അടക്കം നിരവധി പുരസ്കാരങ്ങള് നേടിയിട്ടുണ്ട്.1940 ഏപ്രില് മൂന്നിന് കോഴിക്കോട് ജില്ലയിലെ വടകരയില് സൈനയുടെയും മമ്മുവിന്റെയും മകനായാണ് കുഞ്ഞബ്ദുല്ലയുടെ ജനനം. തലശ്ശേരി ബ്രണ്ണന് കോളെജിലും അലിഗഢ് മുസ്ലീം സര്വ്വകലാശാലയിലും ആയിരുന്നു വിദ്യാഭ്യാസം. അലിഗഡില് നിന്ന് എം.ബി.ബി.എസ്. ബിരുദം നേടി. കുറച്ചുകാലം സൗദി അറേബ്യയിലെ ദമാമില് ജോലിനോക്കി.
അമ്പതിലധികം കുറിപ്പുകളും ആത്മകഥാപരമായ രചനകളും കുഞ്ഞബ്ദുല്ലയുടെ തൂലികയില് വിരിഞ്ഞിട്ടുണ്ട്. സ്മാരകശിലകള്ക്ക് 1978ല് കേരള സാഹിത്യ അക്കാദമി അവാര്ഡും 1980ല് കേന്ദ്രസാഹിത്യ അക്കാദമി അവാര്ഡും ലഭിച്ചു. മലമുകളിലെ അബ്ദുള്ളയ്ക്ക് 1980ല് കേരള സാഹിത്യ അക്കാദമി അവാര്ഡ് ലഭിച്ചു. മരുന്ന് എന്ന കൃതിക്ക് വിശ്വദീപം അവാര്ഡും ലഭിച്ചിട്ടുണ്ട്. 2009ല് കേരള സാഹിത്യ അക്കാദമി വിശിഷ്ടാംഗത്വം ലഭിച്ചു.അലീമയാണ് ഭാര്യ. മൂന്ന് മക്കളുണ്ട്.