ഗതാഗതമന്ത്രി തോമസ് ചാണ്ടിയുടെ ഭൂമി കൈയേറ്റവുമായി ബന്ധപ്പെട്ട് ആലപ്പുഴ കളക്ടര് ടി.വി. അനുപമ അന്തിമ റിപ്പോര്ട്ട് സമര്പ്പിച്ചു. റവന്യൂ സെക്രട്ടറിക്കാണ് കളക്ടര് റിപ്പോര്ട്ട് കൈമാറിയത്. ലേക് പാലസ് റിസോര്ട്ടിന് മുന്നിലെ പാര്ക്കിംഗും അപ്രോച്ച് റോഡും നിയമവിരുദ്ധമായി നിര്മിച്ചതാണെന്ന് റിപ്പോര്ട്ടില് കണ്ടെത്തിയതായി സൂചന.
രേഖകളും ഉപഗ്രഹ ചിത്രങ്ങളും പരിശോധിച്ചതിന്റെ അടിസ്ഥാനത്തിലാണ് റിപ്പോര്ട്ട് തയാറാക്കിയത്. സഹോദരിയുടെ പേരിലുള്ള വസ്തുവാണ് നികത്തിയത്. ബോയ സ്ഥാപിക്കാന് ആര്ഡിഒ നല്കിയ അനുമതി അന്വേഷിക്കണമെന്നും റിപ്പോര്ട്ടില് പറയുന്നു.